Muslim Fatawa

Online Fatwa Services

Darulifta
Fatwa No :
349
| Date :
2025-12-30

Fatwa No : 349
Постановление об ихраме и умре детей, не достигших совершеннолетия (ба
العبادة / الحج والعمرة / مسائل الاحرام

Балакатка жете элек балдардын ихрамы жана умрасы тууралуу өкүм

Балакатка жете элек балдардын умрасын аткаруу тартиби кандай болот? Түшүндүрүп бериңиздер.

الجوابُ حامِدا ًو مُصلیِّا ً

Так билип коюу керек: балакатка жете элек балдар эки түрдүү болот.
1. Түшүнүктүү (акыл-эси жеткен) балдар
Булар ниет кылууну, талбия айтууну жана умранын амалдарын түшүнө алган балдар. Мындай балдардын өкүмү төмөнкүдөй:
Алар чоңдор сыяктуу эле өз тилдери менен ниет кылып, талбия айтып ихрамга киришет. Умранын аткара алган бардык амалдарын өздөрү, өздөрүнүн валийи (ата-энеси же камкорчусу) менен бирге аткарышат. Ал эми өздөрү аткара албаган амалдарды валийи алардын ордуна аткарат. Бирок тавафтын соңундагы эки рекет намазды бала өзү окуйт, валий анын ордуна окуп бере албайт.
’’فالمميز لايصلح النيابة عنه في الإحرام و لا في أداء الأفعال إلا فيما لايقدر عليه؛ فيحرم بنفسه و يقضي المناسك كلها بنفسه و يفعل كما يفعل البالغ‘‘
(باب الإحرام، فصل في إحرام الصبي، ص: ٨٣ ، ٨٤، ط: إدارة القرآن)
2 Түшүнүгү жетпеген (акыл-эси жете элек) балдар
Бул балдар ихрамдын маанисин түшүнбөйт, ниет кыла албайт жана талбия да айта алышпайт. Мындай балдардын ихрамы жана умрасы (же ажы) тууралуу өкүм төмөнкүдөй:
Аларды жуундуртуп, ихрамдын эки чүпүрөгүн кийгизишет. Эгер кыз бала болсо, ихрамга ылайык кийими алмаштырылат. Андан кийин анын атасы же валийи бала үчүн ниет кылып, талбия айтат. Ушундай жол менен ал түшүнүгү жетпеген бала ихрамга кирген болуп эсептелет. Андан соң валий баланы ихрамдагы тыюу салынган иштерден сактайт жана Харамда баланы өзү менен кошо алып жүрүп, умранын бардык амалдарын аткарат. Таваф жана саъйдан мурда валий өзү үчүн ниет кылгандан кийин, ошол эле учурда түшүнүгү жетпеген баласы үчүн да ниет кылат. Эгерде таваф же саъй учурунда баланы кошо ала албаса, анда өзүнүн таваф жана саъйынан кийин баланын ордуна өзү аткарып берет. Кандай гана болбосун, тавафтын соңундагы эки рекет намаз мындай түшүнүгү жетпеген балдар үчүн милдеттүү эмес болуп эсептелет, ошондуктан алар үчүн эки рекет намаз окуу талап кылынбайт.
Жалпы өкүм: Эки түрдөгү балдарды тең ихрамдагы тыюу салынган иштерден сактоо зарыл. Бирок эгер балдар жаңылыштык кетирип алышса, ихрамды бузуп алышса же жыт колдонуп коюшса ж.б. сыяктуу учурларда аларга эч кандай жаза (дам же садака) важиб болбойт.
’’أما غير المميز فلا يصح أن يحرم بنفسه؛ لأنه لا يعقل ولا يقدر التلفظ بالتلبية، و هما شرطان في الإحرام، كما مر، و كذا لا يصح طوافه لإشتراط النية له أيضاً، بل يحرم له وليه، و الأقرب أولی ... و ينبغي للولي أن يجرده قبل الإحرام و يلبسه إزارا و رداء، و إذا أحرم له ينبغي أن يجنبه من محظورات الإحرام، ولو ارتكب محظوراً لا شيء عليهما، ويقضي به المناسك كلها، و ينوي عنه حين يحمله في الطواف، و جاز النيابة عنه في كل شيء إلا في ركعتي الطواف فتسقط‘‘
(باب الإحرام، فصل في إحرام الصبي، ص: ٨٣ ، ٨٤، ط: إدارة القرآن)

واللہ تعالی اعلم بالصواب
دار الافتاء مسلم فتاوی

Fatwa No 349 Verify Now
| | |
1    30
Тектеш фатвалар الفتاوى ذات صلة
...
Тектеш тема مواضيع ذات صلة