Ҳайз ҳолатидаги аёл учун Қуръон ўқиш ҳукми

Ассалому алайкум! Ҳурматли устоз, қуйидаги саволларни бермоқчиман:

1. Қуръони Каримга қўл теккизишдан олдин таҳорат олиш шарти шаръиятда қайси даражага киради: фарзми, суннатми ёки мустахабми?

2. Таҳоратсиз Қуръонга қўл теккизган одам гуноҳкор бўладими?

3. Таҳоратсиз Қуръонга қўл теккизиш масаласида ёши етмаган болаларга ёки Қуръон ёдлаётган ўқувчиларга қандайдир енгиллик ёки рухсат борми?

4. Кичик болаларга Қуръонни ўргатиш ва уларда қизиқиш уйғотиш мақсадида уларга совға бериш жоизми ёки йўқми?

5. Жанобат ҳолатида Қуръон ёдлаётган ёки мадрасада ўқиётган қизлар Қуръон ўқий оладими, қўл теккиза оладими ёки оятларни бўлиб-бўлиб ўқиса бўладими?

6. Хайз ҳолатида Қуръон ёдлаётган ёки мадрасада ўқиётган қизлар Қуръонни қалбида (қарамасдан) ўқиса бўладими ёки мобил телефондан қараб ўқиса бўладими?

الجوابُ حامِدا ًو مُصلیِّا ً

Маълум бўлсинки: Қуръон мусҳафи (китоб) бўладими ёки қаердадир ёзилган Қуръон оятлари бўладими — уларга қўл билан тегишдан олдин таҳорат олиш вожибдир.

Агар балоғатга етган одам таҳоратсиз ҳолатда ёки жанобат, ҳайз ёки нифос ҳолатида туриб Қуръони Каримни ёки унинг ҳатто битта оятини ҳам қўли билан ушласа, у гуноҳкор бўлади.

Ёши етмаган болалар таҳоратсиз бўлса ҳам, қўллари тоза ҳолатда Қуръони Каримга тегишса, бунда айб йўқ. Лекин барибир уларни таҳорат олишга ўргатиб бориш керак.

Шунингдек, ҳайз ёки нифос ҳолатидаги аёл — Қуръон ёдлаётган бўлсин ёки оддий тартибда тиловат қилиб юрган бўлсин — Қуръонни мусҳафдан (китобдан) ўқишими ёки мобил телефон орқали ўқишими фарқ қилмайди: махсус тиловат нияти билан Қуръони Каримни ўқиши ҳам, қўл билан ушлаши ҳам рухсат этилмайди.

Қуръон ёдлаётган қизлар нопок кунларида тилни қимирлатмасдан, фақат қалбида такрорлаб турсин, ёки бошқа бир қиздан Қуръонни тинглаб турсин, ёки Қуръонга қўл теккизмасдан, оятларни бўлиб-бўлиб ўқиб турсин.

Бироқ жанобат ёки ҳайз ҳолатидаги аёл зикр ёки дуо нияти билан Қуръондан келган дуоларни ўқиши жоиздир.

مأخَذُ الفَتوی

کما في احكام القرآن للجصاص : قوله تعالى ( انه لقرآن كريم في كتاب مكنون لا يمسه الا المطهون ) روى عن سليمان انه قال لا يمس القرآن الا المطهرون فقرأ القرآن و لم يمس المصحف حين لم يكن على وضوء و عن انس ابن مالک فی حدیث اسلام عمر قال فقال لأخته أعطوني الكتاب الذي كنتم تقرون فقالت انك رجس و انه لا يمسه الا المطهرون فقم فاغتسل أو توضأ فتوضأ ثم أخذ الكتاب فقرا و ذكر الحدیث و عن سعد انه امر ابنه بالوضوء لمس المصحف و عن ابن عمر مثله وذکرہ الحسن والنخعی مس المصحف علیٰ غیر وضوء الخ (3/415/416)۔
و فی الدر المختار : (و لا) يكره (مس صبي لمصحف و لوح) و لا بأس بدفعه إليه و طلبه منه للضرورة اھ (1/174)۔
و فی الفتاوی الھندیة : و يستحب للحائض إذا دخل وقت الصلاة أن تتوضأ و تجلس عند مسجد بيتها تسبح و تهلل قدر ما يمكنها أداء الصلاة لو كانت طاهرة ، كذا في السراجية (الیٰ قوله) (و منها) حرمة قراءة القرآن لا تقرأ الحائض و النفساء و الجنب شيئا من القرآن و الآية وما دونها سواء في التحريم على الأصح إلا أن لا يقصد بما دون الآية القراءة مثل أن يقول الحمد لله يريد الشكر اھ(1/38)۔