Карызга берилген акчанын зекетин ким берет?

Эгер бир адамдын мойнунда карыз болсо, ал карыздын зекети качан берилет?
Эгер карыз берген адам учурда жакыр болуп, берилген карыздын зекетин төлөй албаса, ал эми карыз алган адам да зекет бере албаса, анда эмне кылуу керек?

الجوابُ حامِدا ًو مُصلیِّا ً

Эгер бир адам башка бирөөгө карыз берген болсо, анда берилген акчанын зекети карыз берген адамдын мойнунда болот. Эгер ал учурда зекет төлөөгө мүмкүнчүлүгү жок болсо, карыз кайтарылып алынган учурда зекетин төлөп берет.
Ал эми карыз алган адамга карызга алынган акча үчүн зекет берүү милдеттүү эмес. Бирок эгер анын колунда карызын толук төлөп бергенден кийин да нисабга жеткен кошумча мүлкү болсо, анда ошол артылган мүлккө зекет берүү милдеттүү болот.
Эгер карызды алып салгандан кийин ал адам нисабга жетпей калса, башкача айтканда, карызын төлөгөндөн кийин да нисаб өлчөмүндө малы калбаса, анда ал адамга зекет берүү милдеттүү болбойт.

مأخَذُ الفَتوی

کما فی مجمع الانھر: (فارغ عن الدین) والمراد دین له مطالب من جهة العباد سواء کان الدین لهم أو لله تعالی، وسواء کانت المطالبة بالفعل أو بعد زمان، فینظم الدین المؤجل ولو صداق زوجته المؤجل إلی الطلاق أو الموت".
(مجمع الأنهر، ج:۱ ص:۲۸۶، کتاب الزکاة، داماد آفندی، دار الکتب العلمیة/بیروت،ط:۱۴۱۹ھ)